Herui Tedla Bairu  Interview – Part III

ኢሳይያስ የኤርትራን ሕዝብ እስረኛ አድርጎ ገዝቶ ለ33 ዓመት ማቆየቱ ተኣምር ነው። ሁለት ትውልድ አመክኗል። ሁሌ ስለ ጠላት ማሰብ ማውራት እብደት ነው። የሚገርመው አሁን ድረስ ኢሳይያስን የሚደግፉ መኖራቸው ነው። ለምን ኢትዮጵያን እንደ ጠላት እንደሚያዩ ይገርማል። አጋጣሚ ሲገኝ ኤርትራውያን ወንድማማች ነን ኢትዮጵያውያን ነን ይላሉ፤ ወዲያው ተገልብጠው ደግሞ ይክዳሉ። ከአፄ ኃይለሥላሴ አገዛዝ ማብቂያ ጀምሮ እስከ ዛሬ ሁለት ዓመት ድረስ፣ ቢያንስ አራት ጊዜ ኢትዮጵያውያን ነን ብለዋል፤ ችግሩ፣ ሳይቆዩ ግልብጥ ማለታቸው ነው። ኢሳይያስ የታመመ ሰው ነው። እድሜ ልኩን ደም ሲያፈሥ ሲያፋሥሥ ነው የኖረው። ኢትዮጵያን ሳያምስ እንቅልፍ አይወስደውም። አሁን እንኳ ፋኖ እና ሸኔ ወያኔ መሓል ተደብቆ እያተራመሰ ነው። የሚያሳፍረው ለአማራ ቀንደኛ ጠላቱ መሆኑን ዓለም እያወቀ፣ ፋኖዎች አምነው ለእርሱ እጅ መስጠታቸው ነው። ኢሳይያስ ከ2 ወር በኋላ 80 ዓመት ይሞላዋል። እስከ እለተ ሞቱ መግዛት ያስባል። ቢሞት እንኳ እርሱ የጀመረው መከራ ገና ይቀጥላል። ከሞተ በኋላ ኤርትራውያን ገና ይበላላሉ። አሁን ግብፅ ጉያ ገብቷል። መግቢያ ሲያጣ፣ ለኢትዮጵያ ጉድጓድ መቆፈሩ ነው። ጉድጓዱ ግን እርሱኑ ይበላል፣ ኤርትራውያንን ያባላል። ግብፅ ቀዳዳ አግኝታለች፣ ለኤርትራውያን አትተኛም።